ఈ పుట అచ్చుదిద్దబడ్డది
రేకు: 0321-5 కన్నడగౌళ సంపుటం: 11-125
పల్లవి: మరుఁడు సేసేనమాయ మరి తెలియదు గాక
సరవు లిద్దరివిని సరికి బే సాయనా
చ. 1: చనవు సేసుక నిన్ను సరిఁ గొంగు వట్టితిని
యెనసి యింత నేయ నీ యీడుదాననా
పెనఁగ కంతలో నీవు బెరసి లో నైతిని
ననిచి కరణ యింత నా మీఁద నుండెనా
చ. 2: నవ్వు నేసుకొని నీపై నలిఁ జేయి వేసితిని
రవ్వ నిన్నింత నేయ బీరపుదొరనా
చివ్వన నీ వప్పటిని చేరి బత్తి సేసేవు
యివ్వల నీ మోహము నన్నింత దొడ్డ సేసెనా
చ. 3: బలిమి సేసుక నే నీపయిఁ జేయి వేసితిని
కలసితి వింతేసికిఁ గలనా నేను
నెల వై శ్రీవెంకటేశ నీ వింకాఁ జెక్కు నొక్కేవు
సలిగె లిన్నియు నీవె సమ్మతించితివా
