ఈ పుట అచ్చుదిద్దబడ్డది
రేకు: 0321-4 భైరవి సంపుటం: 11-124
పల్లవి: ఏమో యెరఁగను యోట్టైనాఁ గాని
వేమరు నీ కెక్కినది వేడుక నా బదుకు
చ. 1: చింత దీర నీ మన్నన చెప్పుకొనఁగా విని
పంతపుసతులు పకపక నవ్వేరు
మంతనానా నీచేఁతలు మరి యే మైనాఁ గలవో
యెంత వలచినది సి గ్గెంచ దంటానో
చ. 2: సమరతి నీ పాన్పుపై సరి నే నుండఁగాఁ జూచి
జమళిఁ దమలోననె సన్న సేసేరు
అమరదో నీవు నేనూ నంటుకొన్నపొందులు
తమితో నాగర్వ మింత తగ దంటానో
చ. 3: చేరి వేడుకొంటా నే నీ చెక్కు నొక్కఁగాఁ జూచి
సారెఁ దమమెకా లిచ్చలఁ జూచేరు
యీరీతి శ్రీవెంకటేశ యిచ్చఁ గూడితిమి మన
నేరుపుల నన్నిటాను నీవె నే నంటానో
