ఈ పుట అచ్చుదిద్దబడ్డది
రేకు: 0321-3 వరాళి సంపుటం: 11-123
పల్లవి: సొమ్ము గలవాఁడవు సోఁపు గని యిచ్చె కాక
సమ్మతిఁ గాక వంచన సేయ వచ్చునా
చ. 1: సిగ్గువ డుండుత గాక చెనకే నీ చేఁతలకు
తగ్గి తప్పించుకొంటేను తప్పు లెంచవా
వొగ్గి మొదలనె నీకు వొప్పగించిన దీ మేను
దగ్గరి పైకొంట గాక దాఁచ వచ్చునా
చ. 2: మోనాన నుండుత గాక మోహపు నీ మాటలకు
దానికె నే మారాడితేఁ దమకించవా
నానినది మొదలనె నానోరు నీ యెంగిటనె
పూని పట్టుకుందుఁ గాక బొంకె నన వచ్చునా
చ. 3: ఆసతో నుండుత గాక అంటిన నీరతులకు
వీస మంత నే మీరినా వెర గందవా
నీ సొమ్ము మొదలనె నా నెయ్యము శ్రీవెంకటేశ
మూసి దాఁచుకుందుఁగాక మొరఁగఁగ వచ్చునా
