ఈ పుట అచ్చుదిద్దబడ్డది
రేకు: 0321-2 బౌళి సంపుటం: 11-122
పల్లవి: వలెనా యింకా నంత వలపు గలయఁ బెట్ట
సళుపుఁజూపుల నాయ సమతారుకాణలు
చ. 1: చేసినట్టిచేఁత లెల్లఁ జెల్లించ నీవు గలవు
ఆస చూపి నీకు మొక్క నాపె గలదు
యీసు లేక వోరుచుక యియ్యకొన నేఁగలను
రాసి కెక్క నీవు నవ్వు రాకుండునా యిఁకను
చ. 2: పసిఁడిపట్టెమంచము పవళించి వుండఁ గల
దసమున భోగించ నాపె గలదు
పసగా నుండఁగను నా బంగారుమేడ గలదు
వెస సంతంసాల విఱ్ఱవీఁగ వద్దా యిఁకను
చ. 3: వుంగరము వేలఁ బెట్ట నొరసి యాపె గలదు
సింగారించుకొనను నీ చేయి గలదు
అంగవించి నిన్నుఁ గూడేయందకు నేనూఁ గలను
చుంగుల శ్రీవేంకటేశ చొక్క వద్దా యింకను