ఈ పుట అచ్చుదిద్దబడ్డది
రేకు: 0320-6 వసంతవరాళి సంపుటం: 11-120
పల్లవి: వినవే యెక్కడి సుద్ది వేగ మామాట
మనసులోఁ జల ముంటే మర్మములు మాన్పునా
చ. 1: యెంతేసి మాట లాడిన యెచ్చు కుందు గలిగినా
కాంతలకు మగలకుఁ గలదా వేరు
చింత దీర నావేళకు చెక్కు చేయే మరఁ గింతె
పంతపు నెలవినవ్వు బతిమాలింపించెను
చ. 2: అవ్వలిమోము లై వున్నా నలుకలు ముంచుకన్నా
జవ్వనపువలపుల చవి దప్పీనా
దవ్వులై యావేళకు తలవంపులే మరఁగు
చివ్వనఁ గనుచూపులె చెలుములు నేయవా
చ. 3: సిగ్గులు పైకొనినాను చేఁతలు గడు మీరినా
నగ్గళపు రతివేళ నడ్డ మున్నదా
యెగ్గు దీ శ్రీవెంకటెశుఁ డిట్టె నిన్నుఁ గూడె
బెగ్గిలినాఁ దమకము ప్రియములు రేఁచునే