ఈ పుట అచ్చుదిద్దబడ్డది
రేకు: 0320-5 ఆహిరి సంపుటం: 11-119
పల్లవి: ఇట్టుండ వలదా నీవు యెవ్వతెకు మోహించినా
దట్టముగ నిచ్చితేను తప్పవు నీ బాసలు
చ. 1: ఆపెమాట లైనా నీవు ఆలకించి మా యింటికి
యీ పొద్దు విచ్చేసితివి యెన్నికె గాను
దాపగు సవతులకు దయ పుట్టఁగాఁ గదా
కాపాడితి విఁక నిన్ను కంటిమి నీ గుణము
చ. 2: అండ నుండి ఆపె నీకు అప్ప ణియ్యఁగా నైనా
గుండె వట్టి నావద్దఁ గూచుండితివి
దండిగ తోడివారు తగవు నడపఁగాఁగా
నిండ నన్ను మన్నించితి నెగెడె నీ పుణ్యము
చ. 3: మొక్కిన యాపెమొక్కు మొగిఁ జిత్తానఁ బెట్టైనా
గక్కనఁ గాఁగిటఁ గూడి కైకొంటివి
దిక్కై శ్రీవెంకటేశ యిందిరకు సెలవుగఁగా
మిక్కిలి న న్నేలితివి మెరసె నీ కీరితి
