ఈ పుట అచ్చుదిద్దబడ్డది
రేకు: 0320-4 గుండక్రియ సంపుటం: 11-118
పల్లవి: సారె నిన్ను వేసరించ సంగతే నాకు
మారాడ నే నాలిసొమ్ము మగనిదె కాదా
చ. 1: నిన్ను వేగిరించేనా నీవె యెఱఁగవా
కన్నుల మొక్కితేఁ దానె కరఁగేవు
చన్నులె గొప్పలు గాని సరి నడుము బడలె
విన్నపము లిఁక నేల వింతదానఁ గాను
చ. 2: చలము సాధించేనా జాణఁడవు గావా
నిటుచుండఁగాఁ గరుణించేవు నీవె
లలిఁ గొప్ప గొప్పగాని లాచి మోము చిన్నఁబోయ
బలిమి చూపఁగ నీతో బంతగత్తెనా
చ. 3: నింద వేసేదాననా నీవు శ్రీవెంకటేశుఁడ
వందాలు సేసుకోఁగానె ఆదరించేవు
కందవకన్నులె గొప్ప గాని పాదాలు సన్నాలు
మందలించి నీతో మారు మలయంగఁ గలనా
