ఈ పుట అచ్చుదిద్దబడ్డది
రేకు: 0320-3 హిజ్జిజి సంపుటం: 11-117
పల్లవి: చెప్పఁబోతే దనతోను సిగ్గయ్యీ నాకు
యిప్పుడు వద్ద నున్నాఁడు యెచ్చరించరే
వ. 1: చూడఁగానె నా కన్నులు సొరిదిఁ జేరఁడే సాయ
యిడఁ దన చక్కఁదన మెంతో కాని
దాడితో నెడతెగదు తనమీఁది తలపోఁత
వేడుకకు వెల లేదు విన్నవించరే
చ. 2: కదిసితే నా చన్నులు కాఁగెఁడేసి కాఁబెరిగె
యిదివో తనభారము యెంతో కాని
వొదగాయఁ దనమీఁద నుదు టైనతమకము
యెదుట నా మోహ మెల్ల నెరిఁగించరే
చ. 3: పైఁకొనఁగ నాతురుము బారెఁడేసి కొన సాగె
యీ కొలది తననేర్పు యిటు సేసెను
దాకొని శ్రీవెంకటేశు తగు లైనకూటమి
మేకొని నామారు మీరు మెచ్చఁ గదరే