ఈ పుట అచ్చుదిద్దబడ్డది
రేకు: 0320-1 సామంతం సంపుటం: 11-115
పల్లవి: నాతోనె ఆన తీవయ్య నంటున సంతంసించేను
చేతికి లో నైతి విఁకఁ జేరె నాకు మేలు
చ. 1: చెప్పి నే నంపినమాట చెవుల కిం పాయనా
తప్పులు లేవు గదా ఆతరవాతను
నెప్పున దాఁచఁగ నేల నిన్నుఁ బాయలే నంటి
యిప్పు డిట్టె విచ్చేసితి వియ్యకోలా నీకు
చ. 2: జిగి నా కాకుక నీకు చిత్తము వచ్చెనా నేఁడు
వెగట్లు నీవు గదా వేరె అందు
నిగిడి కొంకఁగ నేల నీబాస దలఁచు మంటి
అగపడితివి నాకు అవునా నా పొందులు
చ. 3: మొక్కిన నా మొక్కు నీకు మొగమోట కెక్కెనా
మొక్కలము లేదు గదా మోహములోన
యిక్కు వెరిఁగి శ్రీవెంకటేశ నన్నుఁ గూడితిని
దక్కితిని యింత నాపై దయ గద్దా నీవూ
