ఈ పుట అచ్చుదిద్దబడ్డది
రేకు: 0319-4 పాడి సంపుటం: 11-112
పల్లవి: మూసినముత్యవలె మూల లే లోయి
మోస మెట్లాఁ దేరె నిఁక మొరఁగే లోయి
చ. 1: పచ్చికస్తూరిబో ట్టంటి పరిమళించే దెల్లా
మెచ్చులా యిద్దరిలో నీ మేననా వోయి
గచ్చుల నెవ్వ రవుతా కానకుంటి మిందాఁకా
మచ్చెము బాయిటఁ బడె మాటలాడ వోయి
చ. 2: ముడిచివేసే పువ్వులు ముంగిట రాలే దెల్లా
చిడుముడి నెరుల నీ సిరసా వోయి
యెడసి యీగురు తిది యేరుపడ దిందాఁక
ఆడియాలము గంటిమి ఆన లేల వోయి
చ. 3: కుంకుమచెమటబొట్లు కురిసె నీడ నెల్లాను
లంకెలైన నీ చెక్కుల లాగాలా వోయి
అంకెల శ్రీవెంకటేశ అట్టె నన్నుఁ గూడితివి
సంకె లెల్లఁ దేరె నిఁక జాగు లేల వోయి
