ఈ పుట అచ్చుదిద్దబడ్డది
రేకు: 0319-3 బౌళి సంపుటం: 11-111
పల్లవి: అన్ని నేరిచినవాఁడ వామీఁదు నేరవా
సన్న నేసినవాఁడవు చాయకు రా నేరావా
చ. 1: కాయ మంటినవాఁడవు కప్పురము నోటి కిచ్చి
ఆయములు గరఁగించ నంత నేరవా
సోయగపుచూపులఁ జూచినవాఁడవు నీవు
పాయపుకోరికె లిచ్చి పచరించ నేరవా
చ. 2: నగినవాఁడవు నీవు నానారీతుల నాతో
అగపడి సరసము లాడ నేరవా
మిగుల నాచేఁతలతో మించినవాఁడవు యిట్టె
బిగువుఁగాఁగిటఁ గడు ప్రేమ రేఁచ నేరవా
చ. 3: మెచ్చినట్టివాఁడవు మేకులు సేసి నేసి
యిచ్చగించి కలయఁగ నింత నేరవా
కుచ్చి శ్రీవెంకటేశుఁడ కూడి మన్నించితి విదె
నిచ్చలు నీమేలు నాపై నెరపఁగ నేవరా