ఈ పుట అచ్చుదిద్దబడ్డది
రేకు: 0319-1 కాంబోది సంపుటం: 11-109
పల్లవి: ఏమని మెత్తు నిన్ను యింత మేలు చేసితిని
కామిని నామాన మిట్టె కాచితివి నీవు
చ. 1: యెదురు చూడగాఁనె యింతలో విచ్చేసి నీవు
అదన నా చేయి వట్టి ఆదరించితి
వదలుఁ బయ్యదతోడ వసివాడే నన్నుఁ జూచి
పొదిగి పయ్యద గప్పి పొది సేనితివి
చ. 2: మొక్కుకోఁగానె నీకు ముంచి నాకు వర మిచ్చి
చెక్కు నొక్కి బుజ్జగించి సేద దేర్చితి
లక్కవంటి మదితోడ లాచక వుండిన నాతో
మక్కువలు చల్లి చల్లి మంతన మాడితివి
చ. 3: చేయి చాఁచగానె నన్ను శ్రీవెంకటేశుఁడ కూడి
చాయల నవ్వులు నవ్వి సన్న సేసితి
పాయపువేడుకతోడ పదరుచు నుండేనన్ను
ఆయము లంటుచు మరి అట్టె మన్నించితిని