ఈ పుట అచ్చుదిద్దబడ్డది
రేకు: 0318-5 శంకరాభరణం సంపుటం: 11-107
పల్లవి: ఏ మందు నా గుణ మిదె యెంత మెహించితినో
చేముట్టి నీమీఁద నున్నచేయి దియ్యఁ జాలరా
చ. 1: చెప్ప రానిమాట లైన జెసేఁ గాని నీతో
నప్పటి నెదురు మాటలాడ నోపరా
కుప్పళించి పెంజెమట గురిసేఁ గాని నీకుఁగా
తప్ప కిట్టె మోము చూచి తలవంచ నోపరా
చ. 2: నేయ రానిపని కైన చేరి వొడిగట్టేఁ గాని
ఆయెడె నిన్నుఁ బాసే అందు కోపరా
చాయల సరసమున సందడిఁ బొరలేఁ గాని
పాయపుమదాన సిగ్గువడఁగ నే నోపరా
చ. 3: యేకతాన నెందు నైన నియ్యకొనేఁ గాని నిన్నుఁ
గాకుగా మందెమేళాలఁ గప్ప నోపరా
యీకడ శ్రీవెంకటేశ యిట్లాఁ గూడుండేఁ గాని
దాకొని జంకించి నిన్ను తక్కించ నోపరా
