ఈ పుట అచ్చుదిద్దబడ్డది
రేకు: 0318-3 భైరవి సంపుటం: 11-105
పల్లవి: నీ వెరఁగవా తగవు నీకు విన్నవించేమా
వేవేలు సతులోన వెలయించ రాదా
చ. 1: నలుదిక్కులుఁ జూచేవు నాదిక్కు చూడఁగ రాదా
వలపు నీ పై జల్లెటివనిత నేను
పిలిచినవాఁడవు ప్రేమ చూపక మానవు
తొలుతె కాఁగిట నించి దొద్ద సేయ రాదా
చ. 2: కానుక లందేవాఁడవు గక్కన నన్నంట రాదా
పానికుచముల నిమ్మపండ్లదానను
పూని నవ్వినవాఁడవు భోగించక మానవు
నే నడిగినవేళనె నీవు లోఁగ రాదా
చ. 3: కడు నా సోదకాడఁవు కాఁగిలించుకో రాదా
ఆడియాల మైన నీ యాఁటదానమ
యెడయక శ్రీవెంకటేశ నన్నుఁ గూడితివి
కడమ లేకుండ నిట్టె గతి గూడ రాదా