ఈ పుట అచ్చుదిద్దబడ్డది
రేకు: 0318-1 దేసాక్షి సంపుటం: 11-103
పల్లవి: మందెమేళమె నాకు మన్నింతవు గాన నీతో
యిందుకుఁగా నీవు యెగ్గు లెంచకుమీ అయ్యా
చ. 1: వాలుకరెప్పల వంచి వడి నేఁ గొసరితిని
తాలిమి లేక నీపైఁ దమకించితి
వేళావే ళెరఁగక వేసరించితిని నిన్ను
యీలీల నీచిత్త మెట్టో యెరఁగఁజుమ్మీ అయ్య
చ. 2: కుచ్చి కుచ్చి నిన్ను సారె గుబ్బల నే నొత్తితిని
తచ్చి తచ్చి నోతోఁ బంతము లాడితి
హెచ్చుగా సెలవి నిన్ను నిందరిలో నవ్వితిని
మచ్చట నిన్నిటికిగా మొక్కెఁ జుమ్మీ అయ్యా
చ. 3: పాయపుమదాన నిన్నుఁ బట్టి చేతఁ దీసితిని
చాయల సన్నల నిన్ను జంకించితి
ఆయ మెరఁగక నిన్ను నలయించి కూడితిని
మాయల శ్రీవెంకటేశ మానఁ జుమ్మీ అయ్యా