ఈ పుట అచ్చుదిద్దబడ్డది
రేకు: 0317-6 ముఖారి సంపుటం: 11-102
పల్లవి: నీవుసేసిన బాలు నీ వెరఁగవా
రేవగలు నెట్టు వేసరించేము నిన్నును
చ. 1: ఆడినప్పటి మాటలో నర్తము నీ వెరఁగవా
యీడకు వచ్చుండఁగాను యిం తెరఁగవా
వేడుక పడ్డవాఁడవు వెలయించ నెరఁగవా
తోడనెని న్నెందాఁక దూరేము నిన్నును
చ. 2: నవ్విననవ్వులలోని నయము నీ వెరఁగవా
రవ్వ సేసినఁవాఁడవు రా నెరఁగవా
జవ్వనపువాఁడ వాసలు నీ వెరఁగవా
రివ్వలుగ నెందాఁక రేచేము నిన్నుము
చ. 3: యిట్టె చూచినవాఁడవు యిచ్చక మెరఁగవా
జట్టి గొన్నవాఁడవు మెచ్చ నెరఁగవా
నెట్టన శ్రీవెంకటేశ నీవె నన్నుఁ గూడితివి
గుట్టుతోడ నెందాఁకా కొసరేము నిన్నును