ఈ పుట అచ్చుదిద్దబడ్డది
రేకు: 0377-03 భైరవి సం: 04-449 మాయ
పల్లవి:
ఒక్కటికొక ఱివి యోగములు
యిక్కడ మాబుద్దు లెక్కడఁ గొలుపు
చ. 1:
పాయపు మతిలో బలువగు నాసలు
కాయము భువిలోఁ గలదాఁకా
ఆయము సంసార మందుకు మూలము
యేయుపాములు యెక్కడఁ గొలుపు
చ. 2:
మానదు కోపము మతి చెంచెలమును
కాని కర్మ మిది గలదాఁకా
ఆనిన మనసే యందుకు మూలము
యే నేరుపు లిఁక నెక్కడఁ గొలుపు
చ. 3:
అందదు మోక్షం బవ్వల నివ్వలఁ
గందువ నిను మతి గనుదాఁకా
అందితి శ్రీ వేంకటాధిప నీ కృప
యెందలి మాయలు యెక్కడఁ గొలుపు
