ఈ పుట అచ్చుదిద్దబడ్డది
రేకు: 0031-3 భైరవి సంపుటం: 06-180
పల్లవి:
ఏటిపొందుయేఁటి గుణము యేటి సవరందనముమనసు
నాఁటుకొలుపం జేయలేని నటన లేఁటికే
చ. 1:
చూపు చూపు తారుకాణ చూపులోని నగవులెల్ల
చూపి పులకరించ లేని సొబగు లేఁటికే
యేఁపు రేఁగి కోరికలకు యెత్తు సేసి మీదఁ మీద
తాప మందఁజేయలేని తనువు లేఁటికే
చ. 2:
కదిసినపుడే మేను మఱచి కౌఁగిలించినట్టి చేయి
వదలి కన్ను ముయ్యలేని వలపు లేఁటికే
తుదలనైన చెమటగముల తొప్పఁదోఁగి మోహరతుల
సదమదముగఁ దనుపలేని చనవు లేఁటికే
చ. 3:
దేహధారి యైనఫలము తెలిసి వేంకటాద్రి విభుని
మోహ మందఁజేయలేని మురిప మేఁటికే
ఊహ దలఁచి తమక మంది వొకరి కొకరు యిట్లు నేఁడు
సాహసించి కలయకున్న జన్మ మేఁటికే
