ఈ పుట అచ్చుదిద్దబడ్డది
రేకు: 0041-2 కన్నడగౌళ సంపుటం: 06-173
పల్లవి:
మఱపైన నొకకొంత మాటుగాదా
తెఱవ నూరక యేల తెలిపేరు సతులూ
చ. 1:
తరుణిని విరహ సంతాపంబు దావాగ్ని
ధరియించ చెమటైన దండ గాదా
మరుని కార్నుకబాణమహిమ గడు నెఱుఁగించె
దురదురనఁ జేతులనె తుడిచేరు సతులు
చ. 2:
పొఁలితి కిపుడొకయింత పొద్దువోకలు సేయ
తలపోఁతయైన దరిదాపు గాదా
వెలలేని సోయగపు విభుని చల్లని రూపు
పెలచమాటలనే మరపించేరు సతులు
చ. 3:
అలివేణి మేని విరహాగ్ను లొయ్యన పూడ
నలరు నిట్టూర్పైన యాసగాదా
వలపెరిఁగి వేంకటేశ్వరుఁడు గరుణించె నిదె
కలువ పూవుల బంతి గట్టేరు సతులు
