ఈ పుట అచ్చుదిద్దబడ్డది
రేకు: 0040-2 ఆహిరి సంపుటం: 06-167
పల్లవి:
ఏఁపుచు నాకా ళ్లితఁడేల పట్టేనె
రాఁపు సేసి నాకుఁ బెద్దమోపు గట్టినట్లు
చ. 1:
తలమాసి కోకమాసి తాపమున నుండంగాను
యెలయించి యితఁడు నన్నేల యేఁచీనే
మలినమై దేహమెల్ల మఱచినఁ దలఁపించి
వులికి కాలఁగఁ గొఱవులఁజూఁడినట్లు
చ. 2:
కూడుఁబాసి నీటిఁబాసి కొరమాలి వుండఁగాను
యేడనుండో వచ్చి యీతఁ డేల పోరీనే
వేడుక లన్నియు మాని వేదనల నుండఁగాను
కాఁడినపోట్లలోన కత్తిఁగోసినట్లు
చ. 3:
తల్లిఁబాసి యుల్లువాసి తరిలేక వుండఁగాను
యెల్లగా కౌఁగిట నితఁ డేల నొక్కీ నే
చెల్లునంటా నన్ను గూడి శ్రీ వేంకటేశుండు
ముల్లు ముంటనే తీసి మోసపుచ్చినట్లు
