ఈ పుట అచ్చుదిద్దబడ్డది
రేకు: 0040-1 దేశా(సా)క్షి సంపుటం: 06-166
పల్లవి:
అటువంటి వైభవము లమరఁ జేసినదైవ
మిటువంటియోగంబు లిన్నియును జేసి
చ. 1:
జలజాక్షి లావణ్య జలధి నుప్పొంగింప
నలివేణి ముఖచంద్రుఁ డభ్యుదయమాయ
కలికి వలరాయఁడను కాలకూటంబుతో
దలకొన్న యధరామృతంబు జన్మించె
చ. 2:
వనిత సౌభాగ్యంబువనధిలోపలఁ దోఁచె
గొనకొన్న గుఱుతైన కుచపర్వతములు
తనివోనికోరికల తగుతురంగములతో
ననువైన విరహ బడబానలము గలిగె
చ. 3:
భామ యవ్వనమనెడి పాలజలనిధిలోన
వామాక్షియైన యవ్వనలక్ష్మీ గలిగె
యీమంచి తిరువేంకటేశ్వరుం డిందులోఁ
బ్రేమమున సుఖియించి పెంపొందఁగలిగె
