ఈ పుట అచ్చుదిద్దబడ్డది
రేకు: 0039-5 ఆహిరి సంపుటం: 06-164
పల్లవి:
చూచియుం జూడవు సుదతివంక
నీచేఁత లిన్నియు నీకె చెల్లును
చ. 1:
జిగి మించు నుంగరాల చెక్కుమిఁది చేయి
చిగురు చెంద్రిక గోళ్ల జెలువొందంగా
పగటుఁ గోపము తోడ భారపు టూర్పులతోడ
నిగి డున్న చెలి లాగు నీకే తెలును
చ. 2:
పొడపు గుబ్బలి మీఁది పులిపట్టు చెఱంగు
జడిసి హారపుఁ గాంతి ఝళిపించఁగా
వడ చల్లుమేనితో వసివాఁడు జూపుల
నిడువాలుఁ గనుసొంపు నీకే తెలుసును
చ. 3:
భారపుఁ దురుము మీఁద పసమించు నెఱులు
జీరువారి విరులతోఁ జెంగలించఁగా
చేరువనే కూడితివి శ్రీ వేంకటేశుండ
నీరజవదనలాగు నీకే తెలుసును