ఈ పుట అచ్చుదిద్దబడ్డది
రేకు: 0038-5 సామంతం సంపుటం: 06-159
పల్లవి:
వలపువో కారణము వైభవంబులకుఁ దమ
తలఁపువో సకలంబుఁ దగులు సేసినది
చ. 1:
చూపువో ప్రియములకుఁ జోటుసేసినది తరి
తీపువో వెడ యాస దీరనీయనిది
రూపువో సౌఖ్యంబు రుచి సేసినది పువ్వుఁ
దూపువో హృదయంబు దూరిపాఱినది
చ. 2:
ఒఱపువో పెడఁబాసి వు డనియ్యనిది తమ
వెఱపువో దేహంబు వెచ్చఁజేసినది
మఱపువో ధైర్యంబు మానిపించినది కను
గిఱుపువో సిగ్గెల్లఁ గ్రిందు పఱిచినది
చ. 3:
చెలిమివో కారణము శ్రీ వేంకటేశు కృప
కలిమివో మచ్చికలు కలుగఁజేసినది
ఎలమివో యీపొందు లితవు సేసినది మరు
బలిమివో కోరికలఁ బట్టి తెచ్చినది
