ఈ పుట అచ్చుదిద్దబడ్డది
రేకు: 0038-2 కన్నడగౌళ సంపుటం: 06-155
పల్లవి:
మనసు తన పాలింటి మమకార భూతమై
అనయంబు నిన్నిటికి నాధార మాయ
చ. 1:
చూపులాసలఁ దగిలి సుఖయించఁ బోయినను
పై పైనె తలఁపులో పరితాప మాయ
తాపంబుం బరవశము తనువు సొగసిన మఱియు
నాపదల కన్నిటికి నది మూల మాయ
చ. 2:
తలఁపు లోపలి రతులఁ దమకించఁ బోయినను
తలఁపు వలపుల కెల్లఁ దగులాట మాయ
వలపులనియెడి మహా వైభవము వొడగనిన
నలపులును సొలపులును నతిఘనము లాయ
చ. 3:
కడు సొలసి శేషాద్రి ఘనుని దూరినయంత
అడరి యాతని కోప మగ్గలం బాయ
కడలేని కోపంబు కరుణారసముతోఁ
దడిసి యీపొందులకుఁ దరవుకాఁ డాయ
