ఈ పుట అచ్చుదిద్దబడ్డది
రేకు: 0038-1 పాడి సంపుటం: 06-154
పల్లవి:
ఇంతేపో వల పిందరికి
దొంతల వింతల రంతులును
చ. 1:
చిత్తపు టీతఁలు చిడిముడి సేఁతలు
పొత్తుల తమ తల పోఁతలును
మెత్తని యధరపు మేఁతలు లోలో
కుత్తికెఁ గులికెడి కూఁతలును,
చ. 2:
చూపుల తీపులు సొక్కుల పులకలు
దాపుల తమతమ తమకములు
కోపపు కిసరులు కూటపు కొసరులు
ఏపున విరహపు టెసరులును
చ. 3:
పువ్వుల వాట్లు వున్నమ చాట్లు
నవ్వుల పృదయపు నాట్లును
రవ్వగు వేంకటరమణునిఁ గలిసిన
యివ్వల మరువం పేట్లును
