ఈ పుట అచ్చుదిద్దబడ్డది
రేకు: 0037-6 భూపాళం సంపుటం: 06-153
పల్లవి:
లేని భ్రమ లుడిగి లేవయ్యా
లేనగుమోముతో లేవయ్యా
చ. 1:
చెంచెత కౌఁగిటఁ జెలఁగి వేడుకఁ బవ
ళించిన నాథుండ లేవయ్యా
పించెపుం బయ్యెదఁ బెనగి రతినిఁ జా
లించి యింతటను లేవయ్యా
చ. 2:
చక్కని శ్రీసతి చనుఁగవ సన్నపు
లెక్కలు వ్రాయక లేవయ్యా
పెక్కగు నమృతము పెదవికోమలికి
లిక్కిగఁ జేసితి లేవయ్యా
చ. 3:
ఏకాంతలో ని న్నెనసి తలఁచి రని
లేకలు వచ్చెను లేవయ్యా
శ్రీ కాంతుఁడవగు శ్రీ వేంకటనా
ళీకదళాక్షుఁడ లేవయ్యా
