ఈ పుట అచ్చుదిద్దబడ్డది
రేకు: 0037-5 ముఖారి సంపుటం: 06-152
పల్లవి:
ఇంతి చేసిన పూజ లిట్లుండెఁ దన హృదయ
మంతయును బూజించె నడియాసచేత
చ. 1:
చనుదోయి పూజించె జాజుఁబులకలచేత
కనుదోయి పూజించెఁ గన్నీటి చేత
మనసు పూజించెఁ బ్రేమపుఁ గోరికల చేత
తనువు పూజించెఁ బరితాపంబు చేత
చ. 2:
తలపు పూజించెఁ చింతాపరంపర చేత
అలపు పూజించె నొయ్యని పలుకుచేత
వలపు పూజించెఁ బొలయలుక చేతను నెంతే
సొలపు పూజించెఁ దన చూపరల చేత
చ. 3:
అనఘుఁ డీ తిరువేంకటాద్రీశు కృప చేత
వనిత సంభోగ పరవశముఁ బూజించె
తనివోని గుఱుతుచే తనవిలాసములచే
గనుపట్టఁ బూజించె గళమర్మములను
