ఈ పుట అచ్చుదిద్దబడ్డది
రేకు: 0037-4 కన్నడగౌళ సంపుటం: 06-151
పల్లవి:
చక్కని సరసపు శిశువు
పెక్కుమాయల పెను శిశువు
చ. 1:
చిమ్మెడి విషములు చేఁపిన రొమ్ములు
కొమ్మని యిచ్చినఁ గుడిచేని
బొమ్మర పోవఁడు పూతకిఁ బొరిగొని
అమ్మరో గయ్యాళి శిశువు
చ. 2:
చుట్టమువలెనే సుడిగాలినిఁ గని
బెట్టుగఁ గౌఁగిట బిగించేని
పుట్టఁడు వొడమఁడు బూమెలే చేసీ
పట్టరే పసి బాల శిశువు
చ. 3:
పాదము చాఁ చటు బండి జాతురకు
ఆదిగొనుచు తా నలరీని
వేదవేద్యుఁ డగు వేంకటగిరిపై
మోద మందిన మున్నిటి శిశువు
