ఈ పుట అచ్చుదిద్దబడ్డది
రేకు: 0037-1 భూపాళం సంపుటం: 06-148
పల్లవి:
తొయ్యలి భారపుఁ దురుమమరె
ముయ్యక మూసిన మురిపమున
చ. 1:
చందన గంధికిఁ జనుగుబ్బలపైఁ
జందెపు ముత్తెపు సరులమరె
చెందిన వేడుక చెలి నుపనయనము
జందెము వేసిన చందమున
చ. 2:
అంచగమనకును అలపుల నడపుల
ముంచిన మట్టెల మ్రోఁతమరె
పంచమ వేదము పంచసాయకుఁడు
చంచునఁ జాఱినచందమున
చ. 3:
బొట్టుగఁ గుంకుమ పొలఁతి నుదుటిపై
గుట్టుగఁ బెట్టిన గుఱు తమరె
రట్టడి వేంకటరమణునికౌఁగిటఁ
బట్టము గట్టిన భావమును
