ఈ పుట అచ్చుదిద్దబడ్డది
రేకు: 0036-5 దేశాక్షి-యెకతాళి సంపుటం: 06-146
పల్లవి:
పరతత్త్వం బగు బాలుఁడు
పరిపరి విధముల బాలుఁడు
చ. 1:
చద్దుల మూటలు చంకల వ్రేలెడి
ముద్దుల పడుచుల మూఁకలతో
పెద్దఱికంబునఁ బేయలఁ గాచిన
బద్దుల నటనల బాలుండూ
చ. 2:
వెన్నలు దాఁకఁగ వేట్లాడుచును
సన్నపు బడుచుల సంగడిని
కన్నెలు దూరఁగఁ గలకల నవ్విన
పన్నిన మాయల బాలుండు
చ. 3:
బచ్చన రూపుల పాయపుఁ బడుచులు
నిచ్చలుఁ గొలువఁగ నెమ్మదిని
నచ్చిన వేంకట నగమున నాడెడి
పచ్చిల పదకపు బాలుండు
