ఈ పుట అచ్చుదిద్దబడ్డది
రేకు: 0035-4 ముఖారి సంపుటం: 06-139
పల్లవి:
అరిది చేఁదుం దీపై నంతకంటేనా
సరిలేని విభుతోడఁ జయ్యాటమాడేవు
చ. 1:
చలమునం బగవారు సైతము నొకవేళ
పలుక దేరే రట యంతకంటేనా
పొలయలుకలు దీరి పురుషుఁడిప్పుఁడు నిన్నుఁ
బిలువఁ బంపనయంత బిగు వేలే నీకు
చ. 2:
తప్పులు సేసిన వారి దయసేసి రాజైన
అప్పుడే మచ్చికం గూడీ నంతకంటేనా?
తిప్పిన మొకము తోడి ధీరుండు విభుండు నీకు
గప్పురపు విడె మియ్యంగఁ గడకంటఁ జూడవు
చ. 3:
యెడసి యెదిరిం దము నెఱుంగక పైకొన్న
నడవిమెకాలు గూడీ నంతకంటేనా?
కడు నొవ్వ నాడి వెంకటవిభునికి నీవే
వెడమోము కూటముల వెఱపించుకొనేవు