ఈ పుట అచ్చుదిద్దబడ్డది
రేకు: 0035-3 శంకరాభరణం సంపుటం: 06-138
పల్లవి:
చతురుం డని నాసరసతలూ
ఇతరము లైనవి యేమి సేతురా
చ. 1:
చెనకుచు నీవు నాకు సేసిన మేలు
పెనఁగొని మతిలోఁ బెరిగేని
మనసు తమకమై మదనతాపమయి
యెనలేని విభుఁడ యేమి సేతురా
చ. 2:
కదలు నీ మురిపపుంగన్నుల నగవు
పొదలుచు నామతిఁ బొలసీని
చెదరని యలపై చింతారతియై
హృదయము రేఁచి నేమిసేతురా
చ. 3:
ఇపు డిటు నీవు నా కిచ్చినచనవు
అపరిమితములై యలరీని
విపులవిభవమై వేంకటేశ!నా
కెపుడు బాయ దిదే యేమి సేతురా
