ఈ పుట అచ్చుదిద్దబడ్డది
రేకు: 0034-3 శంకరాభరణం సంపుటం: 06-132
పల్లవి:
నేర్చితి నీవును నెయ్యము లూఁని
తేర్చినతేటలు తెలియవుగా
చ. 1:
చదివితి నీవును సాందీపు(ప)నితో
వెదకే వెదకమును వేదములు
పెదవులు గదలియుం గదలని
మదనుని చదువులు నాఁడవి చదువవుగా
చ. 2:
కరచితి నీవును కౌశికమునిచే
నెఱి నాయుధముల నేరుపులు
గుఱుతులు సోకిన గుబ్బున సొరిగెటి
వొఱపులకై దువు లొల్లవుగా
చ. 3:
తడిసితి నీవును దగుజలనిధిలో
నడరుచు మీనమ వై నాఁడు
కడుఁజెమటల వేంకటపతి నారతిం
దడసినట్ల మును దడియవుగా