ఈ పుట అచ్చుదిద్దబడ్డది
రేకు: 0034-2 భైరవి సంపుటం: 06-131
పల్లవి:
అంత నంతం దమకాన నలసేవు మా
వింతగాని పొందు నీకు వ్రేఁగాయఁగా
చ. 1:
చాయలకే మ్రొక్కేవు సన్నలకే చిక్కేవు
మాయిల్లు నీకింత మఱపాయఁగా
పోయినరాతిరి నిన్నుం బోకు మంటాఁ బలుమారు
చేయివట్టి పెనంగుట చేఁ దాయంగా
చ. 2:
మచ్చరాన మలసేవు మాటలనే సొలసేవు
వెచ్చందనమే నీకు వ్రేఁగాయంగా
వచ్చివచ్చి నిలిచేవు వాడికలు సేసేవు
తచ్చన ప్రేమము నీకుం దగవాయంగా
చ. 3:
మంచి విడె మిచ్చేవు మనసెల్లాఁ దచ్చేవు
వంచనలే కిట్టయినా వచ్చేవుగా
ఎంచరాని తిరువేంకటేశ నన్నుం గూడితివి
పొంచి పొంచి కానికగాఁ బొందితివిగా
