ఈ పుట అచ్చుదిద్దబడ్డది
రేకు: 0034-1 శ్రీరాగం సంపుటం: 06-130
పల్లవి:
ఏటితమకమే నా కింకను విని
నాటకములు బడి నమ్మిన వెనక
చ. 1:
చెల్లఁబో యేలే నాచెలువము వీని
వొల్లనిమేనితో నుడుకుచును
వెల్లాయ మేలే నావిభవము వీని
చల్లఁగౌఁగిలి జడిసిన వెనుక
చ. 2:
పొలిఁతి నా కేలే యీపొందులు వీని
అలయింతవలపుల నలయుచును
చెలియ నాకేలే యీసిరులు వీని
తలఁ పంతకాఁకలం దగిలిన వెనుక
చ. 3:
కదిసి నా కేలే యీగరువము వీని
పొదలుంబరవశానఁ బొరలుచును
ఇదివో శ్రీ వేంకటేశుండు వీని
యుదుటుంగూటముల నే నోసరినవెనుక
