ఈ పుట అచ్చుదిద్దబడ్డది
రేకు: 0060-5 శ్రీరాగం సంపుటం: 06-113
పల్లవి:
జాణతనా లాడే వేలే జంపు గొల్లెతా వోరి
ఆణిముత్యముల చల్ల లవి నీకుఁ గొల్లలా
చ. 1:
పోయవే కొసరుఁజల్ల బొంకుగొల్లెతా, వోరి
మాయింటి చల్లేల నీకు మనసయ్యిరా
మూయకువే చల్ల చాడిముచ్చు గొల్లెతా వోరి
పోయవొ పోవొ మాచల్ల పులు సేల నీకును
చ. 2:
చిలుకవే గోరం జల్ల జిడ్డుగొల్లెతా వోరి
పలచని చల్ల నీకు బాఁతిగాదురా
కలఁచవే లోనిచల్ల గబ్బిగొల్లెతా వోరి
తొలరా మా చల్లేల దొరవైతి నీకు
చ. 3:
అమ్మకువే చల్లలు వొయ్యారిగొల్లెతా వోరి
క్రమ్మర మాతోడ నిట్టే గయ్యాళించేవు
సొమ్మెలం బోయే వేలె సొంపుగొళ్లెతా వోరి
దిమ్మరి కోనేటిరాయ తిరమైతి నికును