ఈ పుట అచ్చుదిద్దబడ్డది
రేకు: 0060-3 నాదనామక్రియ సంపుటం: 06-111
పల్లవి:
చెల్లెఁగా నీవు సేసినచేఁతలు నీవు
వొల్లకే విభునింతవొడలు వేఁచితివి
చ. 1:
పొడపుఁ జందురుఁడు నొప్పులు సేయువిరహులను
పెడమొకముచేసి నొప్పించేవు
కడుఁ బలికి కీరములు కారించు విరహులను
పడతి పగఁబెట్టితివి పలుకకే విభుని
చ. 2:
తొలుమెఱుపు మెఱిచి పాంథుల నొంచు నీ వెదుట
పొలయకే నొంచితివి పొలిఁతి యతని
బలుపువెన్నెల భంగపఱచు విరహుల నింత
నలఁగించితివి నీవు నవ్వకే విభుని
చ. 3:
పన్నీరు విరహులను బరవశముసేయు నీ
మన్ననఁ గౌఁగిటఁ జేర్చి మరపించితి
కన్నియరో నీవు వేంకటవిభుని కౌఁగిటను
ఇన్నిటను గడుమించి తేమి చెప్పెడిదే