ఈ పుట అచ్చుదిద్దబడ్డది
రేకు: 0060-2 సామంతం సంపుటం: 06-110
పల్లవి:
వింత వింత వింతలూ, నీ
చింతలే పో చిగిరింతలూ,
చ. 1:
పోపో పోపో విడవోయీ నీ
చూపు మాపై జూఁడించకా,
రేపే పో రేసులెల్లా నీ
తీపేపో తీదీపులూ,
చ. 2:
చాలుఁ జూలుఁ జాలుఁ బోవోయీ, నీ
జాలి మాపై జల్లించకా
రేలేపో రిచ్చలెల్లా నీ
మేలే మేలే పో మెరమెరలూ
చ. 3:
రాఁపు రాఁపు రాఁపు లేలోయీ నీవు
మాపుదాఁకా మాతోడనే
యేఁపకు వేంకటేశ నన్ను నీ
కాపురమే పో కరఁగింతలూ
