ఈ పుట అచ్చుదిద్దబడ్డది
రేకు: 0059-3 సామంతం సంపుటం: 06-105
పల్లవి:
మాట లాడనేరని రమణిఁబో నేను, నా
మాటలెల్లఁ బైఁడి వంటి మాటలే గదె
చ. 1:
పచ్చగందని పడుచఁ బడఁతి నేను, నేఁ
డచ్చి వేసినట్టి వనితనె కదవె
లచ్చిగొండి నీవంటినెలఁతనా నేను, యింత
పెచ్చువెరిగే వదేమె పిన్నదానవా
చ. 2:
మిగులదళము గలమేఁటిఁబో నేను, నీ
దగునింటి ముంగిటి నిధానమంగదే
జగడాలగంప దింపుసతినా నేను, యింత
చిగురుఁగొమ్మ వదేమె చిన్నదానవా
చ. 3:
తలపూ వాడని తరుణినే నేను, నే
నలరుఁజవికలోనియాకెనే కదే
కలికి వేంకటపతి కాంతనేనూ నేఁ
దొలియింతి నాకంటె దొడ్డదానవా
