పుట:చతుర్వేదసారము (పాల్కుఱికి సోమనాథుడు).pdf/55

46

చతుర్వేదసారము

⁠

గుడిగుడిఁ దప్పక వడిఁ గోలుపడగలై              క్రాలెడు వ్యాసునికరముఁ జూచి వీరభద్రునిమ్రోల వినతుఁడై మేషంబు              తలఁ దాల్చియున్నట్టి దక్షుఁ జూచి యేనాఁట నేయూర నేవీథి నేగుడి              హరుఁడు దాఁ బూజార్హుఁ డగుటఁ జూచి యెల్లవారును జూడ నేఁటేఁట నూరూర              గ్రామోత్సవంబులక్రమముఁ జూచి

⁠

⁠

యిదియుఁ గాక "ఏక ఏవ రుద్రో" యంచుఁ బల్కుశ్రుతులఁ జదివి పరగఁ జూచి భవునిఁ గొల్వ కేల ప్రాకృతు లిటు పర బ్రహ్మదూరు లైరి బసవలింగ!

⁠ 90

⁠

అఖిలంబు విష్ణుమయం బైన నడవులఁ             బడి యాలిఁ గోల్పోయి యడలనేల మూల మింతకునైన వాలిసుగ్రీవు లే             ర్పఱుపంగ లేక దా భ్రమయనేల పుడమియంతయు రెండె యడుగులు నగునేనిఁ             గడఁగి దా లంకకు నడువనేల వనధియంతయు నమ్ముమొనకుఁ దే నేర్చినఁ             గపులు తోడుగ వార్ధిఁ గట్టనేల

⁠

⁠

యట్టు లెఱిఁగి యెఱిఁగి హరి దైవ మనుచును సభలఁ గూర్చి మధ్యఁ జదివి చదివి యభవు మఱచి కొంద ఱైహికాముష్మిక భ్రష్టు లగు టదేమి బసవలింగ!

⁠ 91