పుట:చతుర్వేదసారము (పాల్కుఱికి సోమనాథుడు).pdf/56

చతుర్వేదసారము

47

⁠

ఒండేమి విష్ణుని కుత్పత్తి గలుగుట              కును జయదష్టమిదినము సాక్షి శార్జ్గికి సంసారసంగతిదుస్థితి              సిద్ధమై యునికికి సీత సాక్షి యచ్యుతునకుఁ గూలు టది తెల్ల మనుటకు             భువిఁ జరుం డనియెడుబోయ సాక్షి హరి కిట్టిభవము లనంతంబు లగుటకు             మత్స్యకూర్మాదిజన్మములు సాక్షి

⁠

⁠

యతఁడు శివునిశిష్యుఁ డగుటకు రామేశ్వ రాదిసుప్రతిష్ఠ లవియె సాక్షి యట్టివిష్ణువునకు నభవు నక్షరుఁ బరా త్పరునిఁ బోల్ప నగునె బసవలింగ!

⁠ 92

⁠

భృగునిశాపంబునఁ దగిలి జన్మించుట             పట్ట మప్పుడె దిశాపట్ట మగుట నడవుల కేఁగుట జడలు ధరించుట             మారీచుమాయల మరులుకొనుట యాలిఁ గోల్పోవుట వాలిఁ జంపుట తారఁ             దెచ్చి సుగ్రీవున కిచ్చుటయును గోఁతులఁ దోడుగాఁ గూర్చుట బలమెల్లఁ             గడచినవారికిఁ గట్టువడుట

⁠

⁠

రావణుని వధించి బ్రహ్మహత్మ హరింపఁ గోరి రామనాథుఁ గొలుచుటయును హరికిఁ బౌరుషములె యవియెల్ల శ్రేష్ఠంబె వసుధఁ బుణ్యకథలె బసవలింగ!

⁠ 93