బ్రహ్మ, క్షత్రియ, వైశ్య, శూద్రాది జాతులకు భావలక్షణము
క. |
ఎలమిని బ్రహ్మక్షత్రియ
సలలితసద్వైశ్యశూద్రజాతులు దెలియం
బలుమఱు భావము దెల్పెదఁ
గలుషాపహ! దనుజభంగ! కస్తురిరంగా!
| 74
|
బ్రాహ్మణహస్తలక్షణము
క. |
ఒగిఁ గరయుగశిఖరంబులు
సొగసుగ నటు వట్టి యజ్ఞసూత్రముఁ జూపన్
నెగడిన బ్రాహ్మణహస్తము
ఖగవాహన! దనుజభంగ! గస్తురిరంగా!
| 75
|
క్షత్రియలక్షణము
గీ. |
చేరి వామకరంబున శిఖరముంచి
యల పతాకంబు దక్షిణహస్తమందుఁ
బట్ట క్షత్రియహస్తమై పరఁగుచుండు
రాక్షసవిరామ! కస్తురిరంగధామ!
| 76
|
వైశ్యహస్తలక్షణము
గీ. |
మెఱయ హంసాస్యమును వామకరమునందుఁ
దనర సందర్శహస్తంబు దక్షిణంపుఁ
గరమునను బట్ట వైశ్యుఁడై ఘనత కెక్కు
రాక్షసవిరామ! కస్తురిరంగధామ!
| 77
|
శూద్రహస్తలక్షణము
క. |
అల వామంబున శిఖరము
మెలఁగఁగఁ గుడిచేతఁ బట్ట మృగశీర్షమునుం
దెలివొందు శూద్రహస్తము
గలుషాపహ! దనుజభంగ! కస్తురిరంగా!
| 78
|