పుట:అభినయదర్పణము.pdf/62

కర్కటహస్తలక్షణము

గీ.⁠

వెలయఁగను రెండుకరములవ్రేళ్ళు గ్రుచ్చి యెదురుకొన సూపి ఱొమ్మున కెగయఁబట్టఁ గర్కటహస్త మగుచును ఘనత కెక్కు రాక్షసవిరామ! కస్తురిరంగధామ!

⁠ 14

వినియోగము

గీ.⁠

మొనసి చూడంగ మఱియు సమూహమునకుఁ గలుఁగుచీకటికి నిల నింక గృహమునకు ధరను గర్కటహస్తంబు దనరుచుండు రాక్షసవిరామ! కస్తురిరంగధామ!

⁠ 15

అవహిత్థహస్తలక్షణము

క.⁠

మఱి పద్మకోశహస్తము నిరువుగఁ గరయుగమునందు నెదురుగఁ బట్టం బరువిడి నవహిత్థం బగుఁ గరివరదా! దనుజభంగ! కస్తురిరంగా!

⁠ 16

వినియోగము

క.⁠

ఎలమిని శృంగారమునకు నెలఁతలకుచములకు మిగులనీటుకు వగవన్ అల యవహిత్థము సెల్లును గలుషాపహ! దనుజభంగ! కస్తురిరంగా!

⁠ 17

ఉత్థానవంచితహస్తలక్షణము: వినియోగము

గీ.⁠

పొదలఁ ద్రిపతాకహస్తంబు భుజమునందు రెండుకరములుఁ బట్టిన మెండుగాను నదియె యుత్థానవంచిత మగును [1]హరికి రాక్షసవిరామ! కస్తురిరంగధామ!

⁠ 18

1. “త్రిపతాకా వంసదేశగతా వుత్థానవంచితః| విష్ణోరభినయేస్తమ్భభావనాయాం బుధోదితః| ఉత్థానవంచితాభిఖ్య స్సర్వనాట్యేషు కీర్తితః|” (అభి 558)