[1]పుష్పపుటహస్తలక్షణము
| క. |
మఱి సర్పశీర్షహస్తము
వెరవుగఁ గరయుగముఁ జేరి వెలిగా మిగులన్
ఉరమున కెదురుగఁ బట్టిన
గరిమను నిది పుష్పపుటము గస్తురిరంగా!
| 5
|
పుష్పపుటహస్తవినియోగము
| క. |
భానుని కర్ఘ్యము లియ్యను
బూనికగా మంత్రపుష్పపుష్పాంజలులన్
మానుగ నీరాంజనమునఁ
గానుకకును బుష్పపుటమె గస్తురిరంగా!
| 6
|
[2]చతురస్రకహస్తవినియోగము
| క. |
తురగము నెక్కినవానికి
మురహరి! పట్టాభిషేకమునకును మిగులన్
మఱి ముఖచామరమునకును
గరిమను జతురస్రకంబె కస్తురిరంగా!
| 7
|
స్వస్తికహస్తలక్షణము: వినియోగము
| క. |
పరఁగఁ బతాకంబుల నిరు
కరములు నదె చేర్చి నోరు గట్టిగ మూయన్
నిరతము స్వస్తికహస్తము
గరిమను వినయంబునకును గస్తురిరంగా!
| 8
|
- ↑ “సంక్లిష్టా సర్పశీర్షౌచేత్ భవేత్పుష్పపుటఃకరః” “సర్పశీర్షస్య పార్శ్వేత్వపరస్సర్పశీర్షకః| ధృతః పుష్పపుటాఖ్యస్స్యా దధీశః కిన్నరేశ్వరః” అను నీరెండులక్షణములకంటెను నిది భిన్నముగా నగపడును.
- ↑ “చతురస్రస్మృతో వక్షఃపురోగౌ కటకాముఖౌ” (అభి 478) అనునది చతురస్రలక్షణము.
