పుట:అభినయదర్పణము.pdf/56

సందంశహస్తలక్షణము

గీ.⁠

ఎలమిఁ దర్జనిమధ్యమములను జేర్చి గరిమ నంగుష్ఠమునఁ గూర్చి కడమవ్రేళ్ళు సాఁచినది సందంశం బని జగతి వెలయు రాక్షసవిహార! కస్తురిరంగధామ!

⁠ 51

సందంశహస్తవినియోగము

సీ.⁠

చేరి ముత్యములకు వారిబిందువులకుఁ               గొమరొప్ప రుద్రాక్షగుళికలకును గరిమ మల్లెలకును గర్పూరమునకును               మఱి పగడములకు మాత్రలకును సొమ్ము వెట్టుటకును సొరది వాసనచూడ               హవనంబులకు దేవతార్చనలకు వైఢూర్యమునకును బరఁగఁ గెంపులకును               ముద్రవేయుటకును ముదము మీఱ

⁠

గీ.⁠

నొనరఁ జెలియలు మడుపుల నొసఁగుటకును నరయ సందంశహస్తంబు ననువుగాను నిన్ని తావుల వర్తించి చెన్ను మీఱు రాక్షసవిహార! కస్తురిరంగధామ!

⁠ 52

ముకుళహస్తలక్షణము

గీ.⁠

ఒనరఁగా నైదుఁవ్రేళ్ళను నొకటిగాను గూర్చినంతనె ముకుళ మై గొమరుమీఱు సరసగుణహార! శ్రీరంగపురవిహార! రాక్షసవిరామ! కస్తురిరంగధామ!

⁠ 53

ముకుళహస్తవినియోగము

సీ.⁠

పరఁగ దానములకుఁ బ్రాణంబు లనుటకు               వేమాఱు సొలపున విరహమునకుఁ బరువడి మదనుని పంచబాణములకు               మఱి భోజనమునకు మౌనమునకుఁ

⁠