పుట:అభినయదర్పణము.pdf/52

గీ.⁠

బరఁగఁ బదములు ప్రియమునఁ బట్టుటకును వెలయఁ [1]బరిచీలు వట్టను వేడ్కఁగాను నెనసి మృగశీర్ష హస్త మై తనరుచుండు రాక్షసవిరామ! కస్తురిరంగధామ!

⁠

సింహముఖహస్తలక్షణము

గీ.⁠

మఱి యనామిక యంగుష్ఠమధ్యమములుఁ గూర్చి మిగిలిన వ్రేళ్ళను గువలయేశ! చాఁచినను సింహముఖ మయి జగతి వెలయు రాక్షసవిరామ! కస్తురిరంగధామ!

⁠

సింహముఖహస్తవినియోగము

గీ.⁠

ఆజ్యహోమంబునకుఁ బిల్లియస్థులకును జింక కుందేలు వ్యాఘ్రంబు సింహములకు నెలమి మఱి సింహముఖ మయి వెలయుచుండు రాక్షసవిరామ! కస్తురిరంగధామ!

⁠

లాంగూలహస్తలక్షణము

క.⁠

మఱి పద్మకోశమందున వరుస ననామికపువ్రేలు వంచిన మఱియున్ నిరతము లాంగూలంబన గరిమను జెలువొందుచుండుఁ గస్తురిరంగా!

⁠

లాంగూలహస్తవినియోగము

సీ.⁠

చేమంతిపూలకుఁ జెలఁగిన యలనిమ్మ               పండ్లకు మఱి చిన్న చెండ్ల కమరు చిన్నిఘంటలకును గన్నేరుపూలకుఁ               బొనరఁ బోకలకును బుంటలకును

⁠

1. ఈఁటె “పరశుపట్టిసముల బాకుల వాడి, బరిచీల నురుగదాప్రముఖాయుధముల” (సారం 2 భా)