పుట:అభినయదర్పణము.pdf/47

అరాళహస్తలక్షణము

గీ.⁠

అనువుగాఁ జూడను పతాకహస్తమునను దర్జనిక వంచిపట్టిన ధర నరాళ హస్తమయి చాలవేడ్కగా నతిశయిల్లు రాక్షసవిరామ! కస్తురిరంగధామ!

⁠ 16

అరాళహస్తవినియోగము

క.⁠

ఇరవుగ నాచమనీయము బరువడి సుడిగాలి నమృతపానంబుననున్ మఱి విషపానము సేయను గరిమ నరాళంబు వచ్చుఁ గస్తురిరంగా!

⁠ 17

శుకతుండహస్తలక్షణము

గీ.⁠

అరసి చూచిన మురహరీ! మఱి యరాళ నామకరమందు వంప ననామికంబు నదియె శుకతుండహస్త మై యవని వెలయు రాక్షసవిరామ! కస్తురిరంగధామ!

⁠ 18

శుకతుండహస్తవినియోగము

గీ.⁠

పరఁగు కుంతాయుధమునకు బాణమునకు మఱియు మర్మము భేదించుమార్గమునకు మెచ్చ శుకతుండహస్తమె వచ్చుఁగాదె రాక్షసవిరామ! కస్తురిరంగధామ!

⁠ 19

ముష్టిహస్తలక్షణము

గీ.⁠

పరఁగ వ్రేళ్ళన్ని మఱి గూర్చిపట్టియున్న ముష్టిహస్తంబదే యండ్రు మోహనాంగ! భానుసంకాశ!నుతజనభయవినాశ! రాక్షసవిరామ! కస్తురిరంగధామ!

⁠ 20