పుట:అభినయదర్పణము.pdf/33

గీ.⁠

జెలఁగి యధిదేవతలు గాను జెలువు మీఱి యలచతుర్వింశ దేవతల్ వెలసి మిగుల నలరియుండుదు రీ రంగయంత్రమునకు రాక్షసవిరామ! కస్తురిరంగధామ!

⁠ 34

రంగపూజాద్రవ్యములు

సీ.⁠

గణనాథునికి మంచిగరికె [1]సమర్పణ               శ్రీషణ్ముఖునకు [2]నక్షింతలొప్ప నిల క్షేత్రపాలున కిం పొంద జాజులు               దిలలును నల నాందిదేవతలకు సరవి మీఱంగను సప్తమాతృకలకుఁ               గూరిమి యగు జపాకుసుమములును సరగఁ ద్రిమూర్త్యాది సకలదేవతలకు               మల్లెలు మొల్లలు మంచివిరులు

⁠

గీ.⁠

నెనసి యీరీతి వారి కర్చన మొనర్చి వెలయుఫలముల నైవేద్యములను సల్పి వందనంబుల నొనరింపవలయుఁ జుమ్ము! రాక్షసవిరామ! కస్తురిరంగధామ!

⁠ 35

భూమ్యుద్భవలక్షణము

సీ.⁠

సరవిగా నంబరశబ్దంబువలనను               వాయువు పుట్టెను వరుసగాను సరగ నవ్వాయుసంస్పర్శంబువలనను               బొలు పొందఁ దేజంబు గలిగె నంతఁ గూర్మిఁ [3]దేజసత్త్వగుణమువలనఁ జాల               నొప్పుగఁ నటు ధాత్రి యుద్భవించెఁ

⁠

1. ఈపదము గణనాథుకు మంచి గరికె సమర్పణ; శ్రీషణ్ముఖునకు అక్షింతలు (ఒప్పన్) సమర్పణ — అను రీతిని బ్రతివాక్యమునకు సంబంధించును.
2. 'అక్షతములు' అను శబ్దమునుండి యేర్పడిన వికృతి (చూ. రుక్మాం. 4,89)
3. ‘ఆకాశాద్వాయుః వాయోరగ్నిః అగ్నేరాపః అద్భ్యః పృథివీ’ అని యుపనిషత్తు.