పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/80

శ్రీరస్తు

శ్రీవేంకటాచలమాహాత్మ్యము

ద్వితీయాశ్వాసము

క.⁠

వ్యాసమునీశ్వరహృదయని వాస చిదుల్లాస దుగ్ధవారిధిశయనా వాసవవందితపదయుగ భాసుర తఱికుండనృహరి భవదురితారీ.

⁠ 1

ఆ.⁠

విశ్వచర్య లెల్ల విశదంబుగా నీవు తెలిసినావు మాకుఁ దెలుపఁ గలవు గాన విష్ణుకథలు క్రమముగ ముదమునఁ దెలుపు సూత విమలధీసమేత.

⁠ 2

క.⁠

మాయావి యగుచు విష్ణుం డాయాస్థలముల వసించి యతివర్యులకున్ బాయక దాఁ గనిపించుచు నాయెడఁ గనుపింప కుండు నంటివి సూతా.

⁠ 3

సీ.⁠

అంజనాద్రిసమానుఁ డైన శ్రీస్వామినం         దెవ్వరు నిల్పినా రిరవు చేసి యెవ్వరు ప్రార్థింప నీశ్వరుఁ డచ్చోట         నిలుకడగా నిల్చె నిత్యుఁ డగుచు

⁠