పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/496

షష్ఠాశ్వాసము

489

సీ.⁠

పుట్టి గిట్టుచునున్న భూలోకవాసుల         రక్షించుటకు రమారమణితోడ వేంకటాచలమందు విఖ్యాతిగానుండి         నరులచే గోవిందనామభజన మొనరఁ జేయింపుచు ఘనపాపములనైన         క్షీణింపఁజేయుచు సిరుల నిచ్చి పాలింపుచున్నట్టి ఫణిగిరీశ్వరున కా         వ్యూహమహాలక్ష్మి కుర్విమీఁద

⁠

తే.⁠

వెలయు నావీరలక్ష్మి దా విమలహృదయ యగుచు నలమేలుమంగాఖ్య నవనియందు నమరెఁ బద్మావతికి వెంకటాద్రి కిలను వెలయు శుభమంగళము మహావిభవముగను.

⁠ 248

తే.⁠

అప్పు డామునులెల్లఁ దథా స్తటంచుఁ బలికి శ్రీవేంకటేశ్వరు భక్తికథలు సూతుఁ డెఱిగింప వినుచు మెచ్చుచును వార లంద ఱందుండి రానంద మతిశయింప.

⁠ 249

క.⁠

ధరణీశ్రీనీళాధిప కరుణారసపూరితాత్మ కామితఫలదా వరవేంకటగిరినాయక తఱికుండనృసింహసుచరితా జగదీశా.

⁠ 250

మాలిని.⁠

సులలితమణిభూషా సూరిచిత్తాబ్జపూషా కలుషజలధిశోషా కంజగర్భాండవేషా కలిపురుషజదోషాక్రాంతజీవాళిపోషా విలసితమృదుభాషా వేదవిద్యాప్రపోషా.

⁠ 251